نفسى اصرخ

تاريخ التسجيل : 27/01/2010

نفسى أصرخ نفسى أحكى حاجات كتير

نفسى أبكى نفسى أجرى أو أطير

نفسى أحلم بس حلمى يكون كبير

نفسى أعيش بس سكنى يكون ضمير

نفسى أتعلم أرسم بسمة على الشفايف

نفسى أعلم أن الحب أمان للخايف

نفسى أغنى غنوة حلوة فى الصحايف

نفسى أقول كلمة تغير كل هايف

نفسى أدور فى دنيا مليانة حنان

نفسى أبعد فى زمان غير الزمان

نفسى أغير كل أحزان المكان

نفسى أزرع أمل يغطى كل السنين

نفسى أنشر ريحة زهرة الياسمين

نفسى أبعت بوسة على كل جبين

نفسى أحضن طفل وأملاه بالحنين

نفسى أنور شمعة تقتل الظلام

نفسى أمسح دمعة ساكنة فى الأيام

نفسى أعدى بحور الهم والأوهام

نفسى أمشى ويا أحلامى والسلام

نفسى وياما نفسى