السلام عليكم ورحمة الله وبركاته
الكلام اللى هحطه انهاردة هنا مش اكتر من تجربه للتدريب على الكتابة من جديد لانى نسيت كل حاجه
واللى بيدربني عليها الشاعر الجميل احمد موسي
وده اول تدريب ليا وهو كاتب اللون الاحمر وانا الازرق وعاوزة اسمع رأيكم .
صباح الخير على عيونك
يا حتة مسك م الجنه
حروفي تنام على جفونك
وقلبي ينادي يااا منّه
صباح بيعدى لجفونك
يمر عليا واتهني
واقول من تانى وانادي
صباحك ناي ويتغنيّ
وارددلك غناه ألحان
يعود من تاني ينادينى
واسمعله ...
ولما تنادي بحروفك
ألبيّ نداك وأستنا
ألاقي الفرحة جيالي
وشيالالى فهواك جنة
ترددلي الكلام تاني
كلام موزون بإحساسنا
ننادي الشعر فيجيلنا
وأقول بكلامك اتمني
دى احلامي بترسمها
وتوصفهالي اطير بيها
وأعود للعش من تاني
كما العصفور فى بستاني
اغنيلك .. تغني لي
نلاقي اللحن يصفالنا
ويحلالي غنا ليلك
وأنام من تاني وأستنا
يطل عليا نور فجرك
وترجعلي واتهني
برحتك ايوه إكمنّي
م عنك حاجه تشغلني
لكنّي يا منّه انا هفضل
لغاية إمتى بستنى ؟؟
ماهقدر يوم يطول بعدي
ولا اقدر عنّك استغنى
ده قربك مني يسعدني
وبعدك عني يتعسني
والاقي حروفي تنقصني
كما الجاهلة ما أفهمها
متتهزّيش قصاد حرفك
ونادي بقوّه هيجيكي
بحور الشعر تركع لك
وهتطاطي الحروف ليكي
مدام قلمي بيكتبلك
حروفي هتيجي وتنادي
وتنسج لك حروف غنوة
أوصفلك فيها سهادي
ربيع حبّك مكفّيني
عن الدنيا وكل الناس
ويكفيني يا نور عيني
أكون حرفك على الكراس
بزور بالحرف باب قلبك
واكون وقت الفراق جنبك
لقانا ده كان قدر مكتوب
لعمر جديد ومش محسوب
ومهما يقولوا عن حبِّك
جراح .. انا فيها بتهنّى
جراح قلبك هداويها
و لمسة إيدي تشفيها
ومن تاني نعيش بالحب
وننسي مرار وذل القلب
هتجمعنا سوي الأيام
وتسقينا الغرام يا زمان
وأشوف سمشك بتحييني
وتبدر ضيها ف عيني
وترجع تاني تناديني
أشوفك جنبي ترويني
من الحب اللى عشت أهواه